تنتقية سلاله الارانب

السلام عليكم
ازاي تنتقي سلاله ارنب نضيف من زباله grin emoticon
ندخل علي اهم حاجه الدكر
دكر الارانب من اهم الاشياء في المزرعه فهو يساهم بنصف صفاته ومسئول عن انتاج عدد ارانب ضخم سنويا يعني لو هتستخدم الدكر مرتين اسبوعيا هتحمل منه 8نتي شهريا بمعدل 96 نتايه سنويا بمعدل 586ارنب سنوي محدش يقولي طب ونسبه التفويت دا مثال توضيحي تخيل ان دكر واحد بيجبلك 586 ارنب حاملين 50% من صفاته يعني لو دكر ممتاز هتطلع بنتاج محترم دكر سئ هتطلع بنتاج تعبان
في اعتقاد عند المربي المبتدئ ان اي دكر عنده خصيتين وقضيب يبقي طلوقه absolutely not لان كل الدكوره فيها اجهزه تناسليه لاكن احنا عاوزين انتاج يبقي مواصفات الدكر الكويس الاتي
1/ طول الجسم حاول لما تشتري تنقي اطول دكر كل ما كان طويل كل ما كان احسن ليه ؟؟؟؟؟
لانه هيورث الطول دا للخلفه فبالتالي هتبقي خلفه طويله تشيل لحم
2/ميكنش تخيف جدا او يكون قصر يكون جسمه متناسق الفخدين حتي بردوا تبص علي الاطراف والاظافر
3/ السنان تكون سليمه مش متشوه الاسنان علشان مينقلش الصفات دي للخلفه
4/العيون لامعه مفيش امراض في العيون او الاذن مثلا بكون بودن وحده
5/ وجود الخصيتين كاملتين وظاهرين في كيس الصفن مش تشتري دكر بخصيه وحده او في اثار للجروج في منطقه الخصيه
6/ القضيب كامل ومحمر مفهوش تشوهات او عيب خلقي
7/ نقي انشط الدكور من حيث الحركه خفيف الوزن بس متجبش دكر 2كيلو وتقول خفيف الوزن دا كدا لسه طفل grin emoticon يعني ميزدش وزنه لو عمر 5 شهور 3كيلو لو هجين
8/ الهادي ليه الهادي لانه مبيخوفش النتايه منه عكس الشرس مقضيها عض وخربشه علي الفاضي لاكن الهادي بالبلدي حنين
9/ متشتريش دكر الا لما تجربه قدامك حتي لو مش هتسيبه يلقح بس شوف نطته عاملا ازاي بيعامل النتايه ازاي بيحاول ولا بيستسلم بسرعه وعلي راي المثل (لا تحكم علي الشئ قبل تجريبه ممكن يكون دكر جسم متناسق وشكل وكل صفاته الشكليه متميزه وتلاقيه بارد جنسيا او شرس بغباء فجرب احسن ومفيش كسوف في الشرا انت هتدفع فلوس
10/ بعد لما ربنا يكرمك وتنقي الدكر متوكلوش اكتر من 150جرام في اليوم ابدا الدكر الجعان افضل من الشبعان
نيجي بقي لست الكل النتايه grin emoticon
النتايه مهمه بردوا بس النتي الحلوه بتبان في الشغل اكتر من الصفات الشكليه لانك مش وانت بتشتري نتايه هتجربها عند الراجل بطن او بطنين يعني عكس الدكر سهل تجريبه علي العلم ان النتايه دورعا مهم حيث تنتج علي حسب كل نظام بيختلب انتاجها بتنتج من 40الي60 ارنب بس في المتوسط 50 بتنتج ايضا من 6الي 10 بطون بس المتوسط 8
اهم صفات النتايه
1/ عدد الحلمات من 8الي 10 علي العلم في نتي عندها 6 حلمات وبترضع افضل من اللي عندها 10 الرضاعه بتعتمد علي الامومه والهرمونات وحنان الام اكتر من عدد الحلمات وكميه ادرار اللبن
2/ اتساع عظام الحوض ناس كتيره سمعت حتت الحوض ومش فهماه بص يا باشا الحوض دا اللي هو الحته بين الديل وفتحت الحيه حاول تنيم صباعين من ايدك بين العظمتين البارزين لو ناموا مستريحين تبقي دي ام حوضها واسع باذن الله مش هتتعب في الولاده
3/ طول الجسم زي الدكر بردوا ليه دا ليه دور في زياده عدد الخلفه وعدم ارهاقها في الحمل لاتساع البطن
5/ تكون الام هاديه بردوا بس دي لازم تكون اهدي من الدكر لان الامهات العصبيه علي رغم ان امومتها بتكون عاليه بس بالبلدي بتكون غشيمه يعني ممكن تفترس خلفتها لو سمعت ضوضاء او حصل اي شئ يزعجها علي اعتقادها انها رجعتهم بطنها مره اخري لحمايتهم
6/ طبعا حتت عدد الخلفه دي اولا بايد ربنا ثانيا بيدخل فيها الدكر والنتايه لان لو نتايه خصوبتها عاليه ودكر خصوبته ضعيبه هتكون عدد الخلفه ضعيفه لعدم وجود حيوانات منويه كتير تلقح البويضات اللي الانثي بتفرزها لذالك الاتنين لهم نفس الدور
في النهايه بقي اللي بيربي ارانب من انتاجه يختار السلاله من بعد الفطام يقعدهم شهر يراقبهم يشوف الاعلي تحويل ويحتفظ بيه والاعلي جسما وهيكل عظمي وهكذا واحسن حاجه لما تطلع ارنب من انتاجك لانك بتراقبه من عمر يوم لعمر التعشير فعارف ايه الحلو والوحش
ثاني حاجه متلقحش ام اقل من اربع شهور عمرها علشان تكون اكتمبت نضج جنسي ويفضل تلقح علي عمر 150يوم اي 5 شهور ودا اللي انا شغال بيه الدكر تبدا تدربه من عمر 5شهور وتستخدمه من عمر 6 شهور ويجب ان يكون الدكر اكبر من النتايه بشهر
دي خلاصه اللي وصلتله وربنا يوفقكم جميعا